اختراق الفيس بوك 2019

السلام عليكم ورحمه الله وبركاته 

في البدايه اانا قاصد العنوان وارجوك اقرا الكلام للاخر لان الكلام مهم وهيفيدك 

انا وظيفتي افيدك واحميك مش اضرك عشان كدا قصدت اني اكتب عنوان الموضوع كدا عشان اقدر اجذب اكبر قدر ممكن من الناس عشان كله يستفاد وياخد بااله.. 

ازاي بيتم اختراق الفيس بوك ؟ هل انا كانسان عادي مش معايا دورات ومش دارس اقدر اخترق حد ؟

هل فعلا الاختراق سهل زي ما انت متخيل ف كل لما تشوف العنوان " اختراق الفيس بوك "2019 2020 " جري تفتح اللينك وتبدا تشوف بيقول اي وتعمل اللي بيقولك عليه وانت مش داري ايه اللي بتعمله ؟!

....

ي عزيزي الاختراق مجال من اوسع المجالات اللي ممكن تتخليها ، خليني اسردلك الطرق الشائعه اللي بيها بيتم اختراق حسابك وبعدين نبدأ نتكلم ازاي تحمي نفسك منها ..

اولا : ممكن تخترق عن طريق لينك بيتبعتلك باي طريقه كانت سواء فيس بوك او واتس اب وخلاه ، اول ما بتفتح اللينك دا بيفتحلك صفحه فيسبوك مزيفه متقدرش تفرقها عن الصفحه الحقيقيه نهائيا ف حضرتك بتكتب الايميل والباسورد ف اتوماتيك حسابك بيخترق بمجرد كتابتهم بيوصلو للمخترق ودي طريقه قديمه جدا واعتقد الناس بطلت تستخدمها ، ازاي تعرف انها مزوره هتلاقي الرابط :www.hack .com  مش لازم تلاقيه كدا بالظبط لا خالص اي حاجه تانيه عادي المهم مش هيكون نفس رابط الفيس بوك الرسمي اللي هو www.facebook.com ، ف انت تخلي بالك وانت بتضغط علي اي رابط ومتفتحش حاجه وخلاص من غير ما تكون واثق في الشخص اللي بعتلك الحاجه وواثق في الحاجه اللي بتفتحها .

ثانيا : من الحيل القديمه ايضا انك تخترق عن طريق برامج الاختراق وعدد ولاحرج فهناك الكثير جدا من هذه البرامج ، لكن ما هي طريقه عملها بتكون عن طريق ان حد من صحابك يروح باعتلك صوره مزه حلوة كدا ف انت اول ما تشوف المسج هوب تجري ضاغط اتنين كليك علي الصوره وفاتحها وفاتح بوقك ي معلم وانت جهازك بقا مخترق ، هتقولي ازاي ي برنس.؟! هقولك الصوره اللي حضرتك فتحتها مدموج فيها برنامج تجسس او تروجن او باتش تجسس بيدمج عن طريق برامج كتيره مش هندخل ف تفاصيل طبعا هيطلع واحد ذكي هيقول طب وحجم الصوره اكيد هيكون كبير هقولك لا ي برنس الباتش حجمه صغير جدا هتقولي طيب ازاي والامتداد jpg  او اي امتداد للصور هقولك بيتعملها حاجه اسمها change extension ودي باختصار انك لما بتدمج الباتش مع الصوره امتداد الملف بيفضل jpg يعني صوره فعلا ولكن ف الحقيقه هي صوره وجواها تروجن ، هتقولي طب ما انا مسطب برنامج فيروسات جامد جدي مبيعديش نمله هقولك لقد وقعنا ف الفخ ، اللي بيحصل انه بيتعمل للصوره دي حاجه اسمها تشفير بيتلعب في بعض قيم الباتش اللي مدمج ف الصوره بحيث انه لما يعدي علي برنامج الفيروسات ميحسش بيه وكدا انت لبست ، وقيس بذلك ممكن يبقي مقطع فيديو ممكن اغنيه اي حاجه ، 

"عايز اقولك في حاله الاختراق بالطريقه دي هو بيكون عنده الصلاحيه انه يعمل اي حاجه ف جهازك يسرق ايميلاتك بقي يحرقلك المازربورد ينزلك حاجات علي جهازك يسحب منك ملفات يفتح الكاميرا ويراقبك  اي حاجه تتخيلها يقدر يعملها وكله بالحب كانه هو اللي قاعد علي الجهاز مش معاليك".

ف انت ازاي تحمي نفسك انك مش اي حد يبعتلك اي حاجه تفتحها علي جهازك افرض سوء النيه ي سيدي في اي حد لحد ما يثبت العكس .

ثالثا: شوفت الفلاش اللي بيبقي موجود ف المواقع اللي هو صوره وفيها كلام بيتحرك او صور بعض اوقات بتكون الصوره او الفلاش دا زي مصيده بيتم اصطياد الناس بيها ف خلي بالك برضه متدخلش اي مواقع وخلاص غير لما تكون واثق فيها .

رابعا : ممكن تخترق عن طريق الاي بي بتاعك ، " وهنا برضه بيكون عنده الصلاحيات الكامله انه يلعب في جهازك كيفما شاء واراد ف خلي بالك وخليك حذر".

وعدد ولا حرج في طرق الاختراق سواء كان اختراق فيس بوك او جهاز وسواء كان عشوائي او اختراق مستهدف ،

مش عايز اطول عليكم عشان متزهقوش وهنكمل باقي كلامنا في مقال تاني باذن الله 

تابعوني ..